miércoles, 18 de noviembre de 2015

Xuan María Acebal (Uviéu 1815 - 1895
Ye'l poeta más importante del sieglu XIX en Llingua Asturiana.
Naz n'Uviéu en 1815 y los acontecimientos políticos del so tiempu nun-y dexaron siguir la carrera eclesiástica, dedícandose n'Uviéu a dellos trabayos industriales.
Pola so militancia nel Carlismu tuvo que tar exiliáu en Bayona dellos años.

La so poesía, influyida polos clásicos llatinos (Virxilio y Horacio, al que tornó, sobremanera) nunca se recopiló en volume, lo qu'impidió qu'influyera como merecía na obra de los contemporáneos y de los poetes posteriores.
El primer poema que se-y conoz ye de 1858, «A so Maxestá la reina doña Sabel segunda», onde empieza faciendo una descripción del viaxe per Uviéu de la reina nel branu de 1858, acompañada del home, el Príncipe d’Asís, y del Príncipe d’Asturies, más tarde Alfonso XII. Na última parte d’esti llargu poema’l personaxe que fala ye Pelayo, el rei asturianu, que se quexa del abandonu nel que lu tienen los asturianos y qu’aconseya al príncipe Alfonso dende’l puntu de vista del qu’entama una llinia sucesoria que va terminar nesi nenu. Enllaza con una llarga y curiosa tradición de lliteratura escrita n’asturianu que festexa diversos acontecimientos rellacionaos cola familia real española.

No hay comentarios:

Publicar un comentario